Müğənnilərdən deputata sərt cavab - "O, deputatdan soruşun ki,..." » Azpublika.info-Sizin Xəbər Portalınız
Sitemizi değerlendirin
Son Şərhlər
Mehman
Hec olmasa melumat verende duzgun melumat verindaa. 28-29 istirahet gunune dushmur axi. Eksine 7 yanvar 2017-ci il...
12 dekabr 2016 15:42
Azad
Test şərhdir.... Test şərhdir.... Test şərhdir.......
25 oktyabr 2016 16:04
» » Müğənnilərdən deputata sərt cavab - "O, deputatdan soruşun ki,..."

Müğənnilərdən deputata sərt cavab - "O, deputatdan soruşun ki,..."

10 dek 2016, 21:08, AyGun Umid
0 Şərh    156 Baxılıb
“Çingiz Qənizadə kimdir ki, bizim toylardan artıq BMT danışır” 

Bunu aznews.az-a açıqlamasında müğənni Nüşabə Ələsgərli millət vəkili Çingiz Qənizadənin Milli Məclisdə büdcə müzakirələri zamanı bir sıra müğənnilərin toylara dollarla getməsi ilə bağlı fikirinə münasibətində deyib.

“Hamıda dollar aşıb-daşır. Heç dollar var ki? O, deputatdan soruşun ki, dolları harada tapmaq olar? Müğənni dollar istəməklə deyil. Toy sahibi onu hardan alacaq? Banklarda və valyuta dəyişmə məntəqələrində dollar tapılmır. Müğənni dolları havadan alacaq? Biz toya barmaqarası baxırdıq. Çingiz Qənizadə kimdir ki, artıq bizim toylardan BMT danışır. Sözüm yoxdur daha. Getsin şadlıq evlərinə baxsın, hamısı boşdur. Camaatın imkanı yoxdur toy etməyə”,-deyə ifaçı bildirib. 

“N-Brothers” qrupunun rəhbəri Namiq Qafarov isə qeyd edib ki, Azərbaycanda barmaqla sayılası sənətçi var ki, onlar toya dollar müqabilində gedir: 

“Mən şəxsən manatla gedirəm. Ətrafımdakılar da manatla danışır. Qarşıma hələ dollar çıxmayıb. Əgər kimsə dollardan qiymət danışırsa, toy sahibi etiraz etsin. Desin ki, verə bilmərəm. Dollar qalxıb, düşüb, bundan sənətçiyə nə var?! Niyə biz öz pulumuzla işləmirik? Adam tanıyıram ki, evdə axırıncı 200 manatını da dollara çevirib. Tutaq ki, dollarla danışır, nə fərqi var, sən onu alıb manata çevirəcəksən də. Ev sahibi gecə vaxtı dolları hardan alsın?”.

Millət vəkili Çingiz Qənizadə Milli Məclisdə büdcə müzakirələri zamanı “qara bazar” problemində danışarkən sənətçilərin məclislərə dollarla getməsinə etiraz edib:

“İş o yerə çatıb ki, hətta müğənnilərdən biri deyib ki, "biz toya dollarla gedirik". Milli valyutamız manatdırsa, niyə dollarla gedirlər? İstənilən halda biz manatın dəyərinin özünə qayıtmasına çalışmalıyıq”.
loading...
Şərhlər
yenilə, əgər kod görünmürsə